Ilikuwa mwishoni mwa wiki iliyopita, ambapo ‘sosi’ wa kuaminika alipenyezewa ‘tipu’ ya kuwepo kwa maandalizi ya ndoa hiyo hivyo kutoa ‘chansi’ ya kujipanga kwa ‘kavareji’ ambayo ndiyo iliyozaa habari hii.
Katika kufanya ‘foloapu’ ilibainika kuwa send-off ya harusi hiyo ilichukuwa nafasi siku ya Alhamisi ndani Ukumbi wa Amjenn Exucutive Hotel, Mbezi Beach, kabla ya Jumamosi ndoa hiyo kufungwa katika Kanisa la Kilutheri la Kiinjili (KKKT) Azania Front, jijini Dar.
Katika ishu hiyo, Monalisa ‘inshoti’ Mona, na Hubert Millen Makundi ambao ‘bakigraundi’ zao zinabaki kuwa siri yao hadi atakaporejea mkombozi wa ulimwengu, walifunga ndoa hiyo baada ya programu zote kuwa zimetulia bila uwepo wa baba mzazi wa bibi harusi (Liyumba).
Wakiwa kanisani hapo, ilibidi asimame mtu ‘onbihafu’ ya Liyumba katika kipengele kilichomhitaji baba mzazi, jambo lililoibua masikitiko na tafakari juu ya ‘feeling’ za mdingi huyo kukosa tukio hilo la muhimu katika maisha ya mwanaye.
Pamoja na ‘ku-miss’ kwa Liyumba, ‘timbwili’ la sherehe ya haja lilihamia ndani ya Ukumbi wa Delux Kijiweni Sinza, jijini Dar ambapo waalikwa kutoka sehemu mbalimbali walifurika kushuhudia harusi hiyo huku wakipata nafasi kubwa ya kukandamiza vinywaji na vyakula vya kila aina vilivyoaandaliwa katika hadhi ya nyota tano.
Kwa mujibu wa Shushushu wetu aliyepata nafasi ya kuzama ndani ya ‘mpunga’ huo, kufuru ya sherehe hiyo ilijidhihirisha katika gharama kubwa kwani idara zote zilikuwa zimekamilika kuanzia usafiri hadi mabaki ya vipande vya kuku.
Sherehe hiyo ya kufa mtu ilichukua nafasi mishale saa 12:00 jioni ambapo ratiba kamili ya chereko chereko ilianza saa 1:00 usiku kwa Bwana na Bibi Harusi kutambulisha familia, ndugu, jamaa na marafiki wa pande zote mbili.
Sherehe nzima ilifikia ukingoni majira ya saa 7:00 usiku huku baadhi ya wahudhuriaji wakitambaa kufuatia kuwa ‘tilalila’ kwa mvinyo.
"Habari hii nimeidaka katika moja ya website za kibongo na zilikuwa zimewekwa kwenye gazeti la (RISASI MCHANGANYIKO). Wabongo kweli ni noma kwa kufuatilia mambo ya watu tu basi hawajambo"
Habari hizi nimezipata kwenye hii link hapa chini.
http://www.globalpublisherstz.com/risasimchanganyiko/
No comments:
Post a Comment